اوتليت انجولستاد فيلج Ingolstadt Village ألمانيا

اوتليت انجولستاد فيلج Ingolstadt Village ألمانيايبعد حدود الساعة من ميونخ ويكون اجمل وامتع مع الأمطار الخفيفة كتمشية اما كتسوق ففيه ماركات كثيرة ومنوعة والاكيد مو كل الماركات موجودة لكنه خيار ممتاز للمناطق القريبة من ميونخ وتيرول وزيلامسي النمسا فيه مقاهي كثيرة منها لادوريه وغيره واحلى مافيه مسوين مكان للصلاة للرجال والنساء صغير مرة بس افضل من لاشي قريب محل تومي.

محلات لماركات مختلفة وترضي جميع الآراء و الأسعار ممتازه فمن الممكن أن تحصل على خصم مضاعف على بعض القطع المتوفره،بالأخير من الممكن ادخال التاكس فري بالبطاقه الإئتمانيه ومن ثم ختمها بجمارك المطار وإلقاءها بصندوق البريد سواء global blue أو الصندوق الأصفر .

الاوتليت حلو فيه ماركات متنوعه ومرتب وفيه واي فاي مجاني نصيحه تروح بسياره واذا بتروح بقطار من ميونخ تقريبا ساعه الى محطه انقلشتات نورث ( الشماليه مو الرئيسه ) وبعدها تركب باص رقم ٢٠ يوديك للاوتليت التذكره انصحكم تاخذون تذكره اسمها بايرن ريجنل تقدرون تاخذونها من موقع DB قطارات المانيا.

ننصح الجميع بالاوتليت جدا رائع فيها مجموعه كبيره جدا لجميع البرنادات العالميه واسعارها مخفضه وتزين المحلات والممرات جدا جميله ولاكنها تبعد عن ميونخ قرابة الساعه وتقفل بالتمام ٨مساء زرناها مرتين على يومين لانها مجمع كبير للمحلات.